Trastoteka:
¿Zer da eta nola funtzionatzen du?
Geltokiko Trastoteka gauzak maileguan hartzeko tokia da, liburutegi baten antzera funtzionatzen duena. Hemen, liburuen ordez, egunerokoan noizean behin behar izaten diren tresna eta objektuak aurkituko dituzu. Horrelako gauzak ez dituzu zertan erosi: erabili, eta itzuli besterik ez duzu. Trastotekan parte hartuz, erabiltzaileek behar dituzten objektu eta baliabide materialak aldi baterako eskura izango dituzte.
Liburutegi baten antzera funtzionatzen du, baina liburuak beharrean, gauzak mailegatzen dira. Zein gauza? Oso gutxitan erabiltzen dituzun horiek, eta erosi baino parteka ditzakezunak. Katalogoan ikus dezakezu eskuragarri ditugunak. Zerbait beharrezkoa ikusten baduzu, hurbildu eta etxera eraman dezakezu gehienez aste batez. Erabili, eta itzuli, beste pertsona batzuek ere erabil dezaten. Normalean erabiltzaileak 1 eta 3 euro arteko prezio sinbolikoa ordaindu behar izaten du aste bakoitzeko.
Ohiko galderak
Ez duzu bilatzen duzun erantzuna aurkitzen? Jarri gurekin harremanetan eta lagunduko dizugu.
Liburutegi baten antzera funtzionatzen du, baina liburuak beharrean, gauzak mailegatzen dira. Zein gauza? Oso gutxitan erabiltzen dituzun horiek, eta erosi baino parteka ditzakezunak. Katalogoan ikus dezakezu eskuragarri ditugunak. Zerbitzu honen helburu nagusia kontsumoa murriztea eta hondakinen sorrera saihestea da, aldi berean herritarren parte-hartzea sustatuz eta komunitate-sarea eta gizarte-lana sortzea bultzatuz.
Geltokin, Iruñeko autobus geltoki zaharrean. (Conde Oliveto, 6). “La Tafallesa” izeneko takilan.
Espazioaren ekimena eta kudeaketa Geltokiren eskutik doa, eta martxan jartzeko Nafarroako Gobernuko Gizarte Eskubide, Ekonomia Sozial eta Enplegu Departamentuaren kofinantzaketa du.
Murriztu zure ingurumen-inpaktua > Erosi beharrean maileguan eskatzea alde handia izan dezake zure karbono-arrastoan. Maileguan eskatzen dugunean, kontsumoa murrizten dugu, alferrikako ekoizpena saihesten dugu eta zabortegian amaitzen duten hondakinen kopurua murrizten dugu.
Dirua aurreztu > Trastotekaren katalogoa osatzen duten artikulu askoren jatorrizko kostua handia da. Maileguan eskatuta, prezio sinboliko bat baino ez duzu ordainduko, eta, beraz, ia doan eskuratu ahal izango dituzu.
Lekua aurreztu > Inoiz frustratuta sentitu zara erabiltzen ez dituzun gauzak biltegiratu behar dituzulako? Horrelako gaiak maileguan eskatzen dituzunean, erosi eta biltegiratu beharrean, espazio hori beste helburu batzuetarako erabiliko duzu.
Komunitatearekin bat egin > Gure artikulu asko Geltokiko komunitateak eman ditu, eta boluntario talde zoragarri bat dugu laguntza eta konponketa lanean dihardutenak. Trastotekako kide izateak, mailegu-hartzaile, boluntario, gure filosofiaren jarraitzaile bat… Trastotekaren komunitatea hazten eta indartzen laguntzen du.